இன்றைக்கு நிறைய ஊழியங்களை, சபைகளைகூர்மையாக செயல்படக்கூடாதபடிக்கு அவர்களை மந்த நிலைமையிலேயே வைக்கிறான். வேதத்தில் வாசித்து பார்த்தீர்கள் என்றால் சவுல் ராஜாவின் காலத்தில் பெலிஸ்தர் அடிக்கடி யுத்தம் செய்ய வருவார்கள். எபிரெயர் பட்டயங்களையாகிலும் ஈட்டிகளையாகிலும் உண்டுபண்ணாதபடிக்குப் பார்த்துக்கொள்ளவேண்டும் என்று பெலிஸ்தர் சொல்லியிருந்தபடியால், இஸ்ரவேல் தேசத்தில் எங்கும் ஒரு கொல்லன் அகப்படவில்லை.1 சாமுவேல் 13:19.சாத்தான் நீங்கள் கூர்மையாகாதபடிக்கு மழுங்கிப் போனவர்களாய் எப்பொழுதும் இருக்க வேண்டும் என்பதில் அவன் கவனம் வைத்து செயல்படுகிறான். ஏனோதானோ என்ற மழுங்கின ஜெபம் தான் அவர்களிடத்தில் இருக்க வேண்டும், எழுப்புதல் ஜெபம், ஆவிக்குரிய ஜெபம் அவர்களிடத்தில் இருக்ககூடாது என்று கருத்தாய் செயல்படுகிறான். இஸ்ரவேலர் என்றால் தேவனுடைய பிள்ளைகள் என்று அர்த்தம். தேவனுடைய பிள்ளைகள் பட்டயங்களை, ஆயுதங்களை உண்டு பண்ண கொல்லப்பட்டறைக்கு செல்லாதபடிக்கு பெலிஸ்தர் ஆகியசாத்தான் கவனம் வைக்கிறான். அவன் மிகவும் தந்திரமானவன், நீங்கள் வீடு கட்டுகிறீர்கள் என்றால் அதில் ஒரு பிரச்சனையை கொண்டு வருவான், திருமண காரியம் ஒழுங்கு செய்தால் ஒரு பிரச்சனையை கொண்டு வருவான். உங்களுக்கு விரோதமாய் ஆட்களை எழுப்பி பிரச்சனையை கொண்டுவருவான். எப்படியாவது முடக்க வேண்டும், நல்லா இருந்தால் தானே நீங்கள் ஊழியம் செய்வீர்கள், ஜெபிப்பீர்கள், அதனால் உங்களை முடக்கி ஒன்றும் செய்யக்கூடாதவர்களாய் மாற்றி விடுவான். மழுங்கிப் போகப் பண்ணுவான்.

இருபதாவது வசனத்தில்இஸ்ரவேலர் யாவரும் அவரவர் தங்கள் கொழுவிரும்புகளையும், தங்கள் மண்வெட்டிகளையும், தங்கள் கோடரிகளையும், தங்கள் கடப்பாரைகளையும் தீட்டிக் கூர்மையாக்குகிறதற்கு, பெலிஸ்தரிடத்துக்குப் போகவேண்டியதாயிருந்தது. இன்றைக்கு நிறைய பேர் மற்றவர்களுக்காக ஜெபிப்பார்கள், ஆனால் தங்களுக்கு தாங்களே ஜெபித்துக்கொள்ள தெரியாது. ஊழியர்களைஅழைப்பார்கள். இதில் சிலர் அவர்களை தவறாக வழி நடத்தி விடுகிறார்கள். உங்கள் வீட்டில் செய்வினை, தகடு இருக்கிறது என்று சொல்லி அதற்கு இவ்வளவு பணம் செலவாகும் என்றும், அமாவாசை ஜெபம் பண்ண வேண்டும் என்று சொல்லி அவர்களுடைய விசுவாசத்தை தளர்ந்து போக செய்கிறார்கள். பெலிஸ்தர் இஸ்ரவேலர் கூர்மையாகாதபடிக்கு பார்த்துக் கொண்டார்கள். இதே போல தான் இன்றைக்கு சாத்தான் நீங்கள் ஜெபிக்க கூடாதபடிக்கு உங்களுடைய ஜெபத்திற்கு விரோதமாக செயல்படுவான், ஜெப நேரத்தை திருடுவான், ஜெபிக்க விடாதபடிக்கு அங்க செல்லுங்கள், இதை செய்யுங்கள், அதை செய்யுங்கள் என்று சொல்லி ஜெப நேரத்தை திருடு விடுவான்.ஆண்டவர் கிருபையாய் கொடுத்த இந்த ஜீவனை, நேரத்தை, காலத்தை நீங்கள் அவருக்காக பயன்படுத்தாமல் வீணாக்குகிறீர்கள். தேவனை துக்கப்பட செய்கிறீர்கள். தேவசித்தம் இல்லாமல் பல காரியங்களை செய்து சிக்கலில் மாட்டிக் கொள்ளுகிறீர்கள், வேதனைகளும், போராட்டங்களும் உங்கள் வாழ்க்கையை மழுங்கிப் போகச் செய்கிறது. பிரச்சனை போராட்டம் என்று எத்தனை நாட்களுக்கு நöங்கள் சொல்லிக் கொண்டிருப்பீர்கள், எங்கே போனது உங்களுடைய இரட்சிப்பு, அபிஷேகம், வல்லமை.

கடப்பாரைகளையும், மண்வெட்டிகளையும், முக்கூருள்ள ஆயுதங்களையும், கோடரிகளையும், தாற்றுக்கோல்களையும் கூர்மையாக்குகிறதற்கு அரங்கள் மாத்திரம் அவர்களிடத்தில் இருந்தது. இஸ்ரவேலருக்கு தங்கள் ஆயுதங்களை கூர்மையாக்கி கொள்வதற்கு அரங்கள் மாத்திரமே இருந்தது ஆனால் இன்று அந்த அரங்களை வைத்துக்கொண்டு உங்களை கூர்மையாக்க முடியாது. அக்கினியில் போடப்பட்டால் தான் கூர்மையாக்கப்படுவீர்கள். ரம்பத்தை கூர்மையாக்கத்தான் அரம் தேவை. ஆனால் ஆண்டவர் உங்களையந்தரமாக மாற்ற விரும்புகிறார்,யந்தரமாக மாற்றுவதற்கு அரம் பத்தாது, அதற்கு வல்லமையான ஜெபஆவி வேண்டும். தேவ ஆவியானவர் உங்களுக்கு வேண்டும். நம்முடைய ஆயுதங்களை நாம் கூர்மையாக்க வேண்டும். நாம் பரலோகத்திற்கு போக வேண்டும் என்றால் கூர்மையாக்கப்பட வேண்டும். அன்றைக்கு தீர்க்கதரிசிகள் தங்கள் நாவை கர்த்தருடைய ஆயுதமாக வைத்திருந்தார்கள். கர்த்தருடைய வாயó இதை சொல்லிற்று என்று சொல்லுவார்கள். இன்றைக்கு தான் பேனா, பேப்பர் உள்ளது, அன்றைக்கெல்லாம் அப்படி எதுவும் கிடையாது .அதனால்தான் சங்கீதக்காரன் சொல்லுகிறார்என் இருதயம் நல்ல விசேஷத்தினால் பொங்குகிறது; நான் ராஜாவைக் குறித்துப் பாடின கவியைச் சொல்லுகிறேன்; என் நாவு விரைவாய் எழுதுகிறவனுடைய எழுத்தாணி. சங்கீதம் 45:1நாவு விரைவாய் எழுதுகிற எழுத்தாணி என்று சொல்லப்பட்டுள்ளது.

தேவன் உங்களுடைய நாவை கூர்மையாக்கி ஆவிக்கு ஏற்றபடி ஜெபிக்க வைக்கப் போகிறார். இனி நீங்கள் தமிழில் ஜெபிக்க மாட்டீர்கள், ஆவியில் நிரம்பி அந்நிய பாஷையில் ஜெபிப்பீர்கள். இந்த வல்லமை வேண்டுமென்றால் உங்கள் நாவை தேவனிடத்தில் விட்டுக் கொடுக்க வேண்டும். நம்முடைய ஆயுதங்கள் சாத்தானின் அரண்களை நிர்மூலமாக்குகிறதாக இருக்க வேண்டும். 2 கொரிந்தியர் 10:4-ல் எங்களுடைய போராயுதங்கள் மாம்சத்துக்கேற்றவைகளாயிராமல், அரண்களை நிர்மூலமாக்குகிறதற்கு தேவபலமுள்ளவைகளாயிருக்கிறது. கண்ணுக்கு கண், பல்லுக்கு பல் என்று இல்லாதபடிக்கு மலைகளையும் குன்றுகளையும் நொறுக்குவதற்கு கூர்மையான யந்தரமாய் இருக்கிறதற்கு தேவ பலம் உள்ளதாய் இருக்கிறது. நம்மோடு போராடினவர்களை தேடியும் நாம் காணாதிருப்போம். நமக்காக தேவன் யுத்தம் பண்ணுவார். அவைகளால் நாங்கள் தர்க்கங்களையும், தேவனை அறிகிற அறிவுக்கு விரோதமாய் எழும்புகிற எல்லா மேட்டிமையையும் நிர்மூலமாக்கி, எந்த எண்ணத்தையும் கிறிஸ்துவுக்குக் கீழ்ப்படியச் சிறைப்படுத்துகிறவர்களாயிருக்கிறோம். குடும்பத்தில் தர்க்கங்களையும், வாக்குவாதங்களையும், சண்டைகளையும் ஏற்படுத்தி மழுங்க செய்கிற ஆவி செயல்படும். ஜெப நேரத்தை குறைக்க பண்ணுகிற ஆவி, நல்லொழுக்கத்தை கெடுக்கின்ற ஆவிகள் செயல்படும் அவைகளை நீங்கள் எதிர்க்க வேண்டும்.

யுத்த நாள் வந்தபோது, பிரச்சனை, போராட்டம் வந்தபோது டென்ஷன் ஆகிவிடுகிறோம். என்ன செய்வது, ஏது செய்வதென்று நமக்கு தெரியாமல் போய்விடுகிறது. ஆயுதம் தரித்த பலவான் எவனும் தன் அரண்மனையை பாதுகாப்பான். ஆயுதம் இல்லாமல், விசுவாசம் இல்லாமல், தேவனுடைய வார்த்தை இல்லாமல், உபவாசம் இல்லாமல், எங்கள் வாழ்க்கை நன்றாக ஓடுமென்று நீங்கள் நினைக்கிறீர்களா? இந்த பூமியில் நீங்கள் நன்றாக இருக்கலாம், சம்பாதிக்கலாம், போராட்டம், சிக்கல் வரும்போது, மனிதர்கள் உங்களுக்கு விரோதமாய் எழும்பும்போது ஆயுதம் இல்லாதவர்களாய் நிற்பீர்களானால் தோற்றுப் போய் விடுவீர்கள். இன்றைக்கு நீங்கள் எத்தனை பிரசங்கம் கேட்கிறீர்கள், எத்தனை ஊழியக்காரர்களுடைய ஆலோசனைகளை கேட்கிறீர்கள். அத்தனையும் கேட்டு இந்த காதில் வாங்கி இந்த காதில் விட்டு செல்கிறீர்கள். ஆண்டவர் நீங்கள் இப்படி இருப்பதை விரும்பவில்லை உங்களை புதிதும் கூர்மையான யந்தரமாக மாற்ற விரும்புகிறார்.