நீங்கள் விசுவாசத்தில் குறைவுபடத் தொடங்கும் போது கர்த்தரை தேடுவதிலும், அவரை நேசிக்கிறதிலும் குறைவு காணப்படும். யோவான் 11:21-ல் மார்த்தாள் இயேசுவினிடத்தில் வந்து, ஆண்டவரே, நீர் இங்கேயிருந்தீரானால் என் சகோதரன் மரிக்கமாட்டான் என்று முறையிடுகிறாள். லாசரு நோய்வாய் பட்டு மிகவும் ஆபத்தான நிலையில் இருந்தபோது எந்த நேரத்திலும் எது வேண்டுமானாலும் நடக்கும் என்ற சூழ்நிலையில் இருந்தபோது மார்த்தாள். மரியாள் இயேசுவுக்கு சொல்லி அனுப்பினார்கள் இயேசு இவர்கள் சொல்லி அனுப்பின வார்த்தைகளை கேட்டுவிட்டு அங்கேயே மேலும் இரண்டு நாள் தங்கி விட்டார். அதற்குள்ளாக லாசரும் மரித்துப் போய்விட்டார். அடக்கம் பண்ணி விட்டார்கள். நான்கு நாட்கள் கழித்து இயேசு அந்த இடத்திற்கு வந்தபோது ஆண்டவரே நீர் எங்கே இருந்திருந்தீரானால் என் சகோதரன் மரித்திருக்க மாட்டான் என்று மார்த்தாள் சொன்னாள். சில நேரங்களில் உங்கள் வாழ்க்கையில் நடக்கும் காரியங்கள் உங்களை மிகவும் சோர்ந்து போக வைக்கிறது. அதை போல தான் இங்கு மார்த்தாளும் இயேசுவின் வருகை தாமதமானதால் சோர்ந்து போய்விட்டாள். இரண்டு நாட்கள் முன்பாக வந்திருப்பீரானால் கூட நன்றாக இருந்திருக்கும், ஆனால் இப்பொழுது அவன் மரித்து நான்கு நாட்கள் ஆகிவிட்டதே என்று சொல்லுகிறாள்.

மாற்கு 9:19-ல் அவர் பிரதியுத்தரமாக, விசுவாசமில்லாத சந்ததியே, எதுவரைக்கும் நான் உங்களோடு இருப்பேன்? எதுவரைக்கும் உங்களிடத்தில் பொறுமையாய் இருப்பேன்? அவனை என்னிடத்தில் கொண்டுவாருங்கள் என்றார். கடுகளவு விசுவாசம்கூட இல்லாத
சந்ததியே எதுவரைக்கும் நான் உங்களிடத்தில் பொறுமையாய் இருப்பேன் என்று சொல்கிறார். மார்த்தாள். மரியாளுடைய விசுவாசம் ஒழிந்து போகாதபடிக்கு தேவன் அவர்களுக்கு ஏற்பட்ட அந்த தீமையை நன்மையாக மாற்றினார். ஆண்டவர் பொறுமையாக இருந்து மார்த்தாள். மரியாளைத் தைரியப்படுத்தினார். இன்றைக்கு அநேகர் உங்களுக்கு ஏற்றமாதிரி ஜெபிக்கிறீர்கள். மார்த்தாளுடைய ஜெபம் நீர் நான்கு நாட்களுக்கு முன்பாக வந்திருப்பீரானால் இது நடந்திருக்காது. இனி நீர் வந்தால் என்ன. போனால் என்ன என் சகோதரன் மரித்துப்போய் விட்டானே என்று கலங்கினாள். ஆனால் இயேசு அவளை கல்லறையினிடத்தில் அழைத்துச் சென்று, இந்த கல்லை புரட்டித் தள்ளுங்கள் என்று சொல்லி அவள் சகோதரனை உயிரோடு எழுப்பி தந்தார்.

சிலருடைய ஜெபங்கள் ஆண்டவருக்கு பிரியமானதாக இல்லை. ஏனென்றால் அவர்களிடத்தில் விசுவாசம் இல்லை. மார்த்தாளுடைய ஜெபமும் அப்படித்தான் இருந்தது. நீர் நான்கு நாட்களுக்கு முன்பாக வந்திருக்க வேண்டும், என் சகோதரனை எழுப்பி இருக்க வேண்டும். முன்பே வந்திருப்பீரானால் இப்படி நடந்திருக்காது என்று சொன்னாள். இயேசு நான்கு நாட்களுக்கு முன்பாகவே வந்திருந்து லாசருவை உயிரோடு எழுப்பி இருப்பாரானால் யூதர்கள் ஒருவர் கூட அவரை நம்பி இருக்க மாட்டார்கள். அவர்களும் விசுவாசிக்கும் படியாகத்தான் இயேசு நான்கு நாட்கள் கழித்துவந்து தேவனுடைய மகிமை வெளிப்படச் செய்தார். ஓசியா 6:2-ல் இரண்டுநாளுக்குப்பின்பு அவர் நம்மை உயிர்ப்பிப்பார். மூன்றாம் நாளில் நம்மை எழுப்புவார். அப்பொழுது நாம் அவருடைய சமுகத்தில் பிழைத்திருப்போம் என்று சொல்லப்பட்டுள்ளது. மரித்துப்போன ஒரு ஆவி மீண்டும் அந்த சரீரத்துக்குள் வருவதற்கு 72 மணி நேரத்துக்குள் முயற்சி செய்யுமாம், இது யூதர்களுடைய கணிப்பு. அதனால்தான் இயேசு மூன்றாவது நாள் வராமல் நான்காவது நாள் அங்கே வந்தார். அவர்களுடைய மூடநம்பிக்கைகளை எல்லாம் தகர்த்து போடும்படியாக இயேசு பெத்தானியாவுக்கு வந்தார்.

எலியாவின் விசுவாசத்தை பாருங்கள் என்னுடைய வாக்கினால் அன்றி இந்த தேசத்தில் மழையோ, பனியோ பெய்யாது என்று கட்டளையிட்டான். அவன் சொன்னபடியே மூன்று வருஷமும் ஆறு மாதமும் மழையோ பனியோ அந்த தேசத்தில் பெய்யவில்லை. அந்த நாட்டின் ராஜா ஆகாப் எலியாவை அழைத்து என் தேசத்தில் மழை பெய்யும்படியாக நீ ஜெபிக்க வேண்டும் என்று சொன்னார். அப்பொழுது எலியா நீ உன் தேசத்தில் உள்ள பாகாலின் விக்கிரக தோப்புகளையும் ஒழித்து விட்டு தேவனுக்கு பிரியமானவராய் மாற வேண்டும் என்றான். பாகாலின் தீர்க்கதரிசிகள் பாகாலை நோக்கி கூச்சலிட்டுத் தங்களைக்கீறி கொள்ளுகிறார்கள் ஆனால் அங்கிருந்து எந்த ஒரு பதிலும் அவர்களுக்கு வரவில்லை. ஆனால் எலியா தேவனை நோக்கி நான் உம்முடைய பிள்ளை என்றும் நீர் ஜீவனுள்ள தேவன் என்று இந்த ஜனங்கள் அறியும்படியாக இன்றைக்கு என் ஜெபத்தை கேட்டருளும் என்று சொல்லி ஜெபித்தார். ஜெபித்த உடனே வானத்திலிருந்து அக்கினி வந்து அனைத்தையும் பட்சித்து போட்டது. கர்த்தரே தெய்வம் என்று எல்லா ஜனங்களும் அறிந்து கொண்டார்கள். கர்த்தர் எலியாவின் ஜெபத்திற்கு பதில் தந்தார். அவர் ஜெபித்த போது உள்ளங்கையளவு மேகம் வந்தது. எலியாவின் விசுவாசம் தளர்ந்து போக தேவன் விடவில்லை.

ஆனால் 19 ஆம் அதிகாரத்தில் அவர் நான் ஏன் வாழ வேண்டும் என்று சொல்லி சோர்ந்து போகிறார். ஆகாபின் மனைவியாகிய யேசபேல் எலியாவின் தலையை வாங்க வேண்டும் என்று சொல்லி தீவிரமாய் செயல்பட்டார். இந்த செய்தியை அறிந்த எலியா மிகவும் சோர்ந்து போய் ஒரு சூரைச் செடியின் கீழே உட்கார்ந்து ஆண்டவரே நான் வாழ்வதை காட்டிலும் மரித்துப் போவது நலம் என்று சொல்லி கொண்டிருந்தார். இதைப் போலத்தான் அநேகருடைய இருதயத்தில் இருந்து விசுவாசமும் வருகிறது அவிசுவாசமும் வருகிறது. எலியாவும் கூட ஒரு முறை விசுவாசத்தோடு தேவனுக்காக பெரிய காரியங்களை செய்தவர். ஒரு சூரைச் செடியின் கீழே அமர்ந்து நான் வாழ்ந்தது போதும் கர்த்தாவே என் ஆத்துமாவை எடுத்துக் கொள்ளும் என் பிதாக்களைப் பார்க்கிலும் நான் நல்லவன் அல்ல என்று சொல்லி ஜெபிக்கிறான். எலியாவின் விசுவாசம் தளர்ந்து, அவர் சோர்ந்து போனதை அறிந்த தேவன் அவரை தூதனை கொண்டு தேற்றுகிறார். எலியா ஜெபித்தது போல நீங்கள் ஜெபிக்க கூடாது. அநேக நேரங்கள் ஜெபத்தில் பதறி ஜெபிக்கிறீர்கள். அப்படிப்பட்ட ஜெபத்தை செய்யக்கூடாது.

இன்றைக்கு உங்கள் வாழ்க்கையில் உங்கள் ஜெபத்திற்கு பதில் வரவில்லை. ஒரு காரியம் நடக்கவில்லை என்றால் உடனே நீங்கள் சோர்ந்து போகிறீர்கள் எலியாவின் வாழ்க்கையிலும் இப்படித்தான் சோர்வு வந்துவிட்டது. ஆனால் தேவன் அவரை விட்டு விடவில்லை. அவரைத் தேற்றி, அவர் செய்ய வேண்டிய காரியங்களை அவரைக் கொண்டே செய்து முடித்தார். ஆண்டவர் அவிசுவாசத்தில் போராடுகிற நம்மை அப்படியே கைவிட்டு விடமாட்டார். நம்மை தட்டி எழுப்பி தேற்றி, தைரியப்படுத்தி முன்னேறிச் செல்ல வைப்பார். ஆனால் சாத்தான் உங்களை ஆண்டவர் மேல் உள்ள விசுவாசத்தை, நம்பிக்கையை தளர வைப்பான். அவனுக்கு இடம் கொடுக்கக் கூடாது. வசனம் தெளிவாக சொல்லுகிறது ரோமர் 14:1-ல் விசுவாசத்தில் பலவீனமுள்ளவனைச் சேர்த்துக்கொள்ளுங்கள். ஆனாலும் அவனுடைய மன ஐயங்களைக் குற்றமாய் நிர்ணயிக்காமலிருங்கள் என்று. நீங்கள் விசுவாசத்தில் பலவீனமுள்ளவர்களாய் இருக்க தேவன் விரும்பவில்லை. மார்த்தாள் அன்றைக்கு விசுவாசத்தில் பலவீனமுள்ளவளாக இருந்ததால் தான் நீர் இங்கே இருந்தீரானால் என் சகோதரன் மரித்திருக்க மாட்டான் என்று சொல்லுகிறாள், அப்படி நீங்கள் இருக்கக் கூடாது.

ஒரு வீடு இருக்கா? ஒரு பொருள் ஆசைப்பட்டதை வாங்க முடியுதா? உன்று புலம்புவீர்கள், ஆனால் அவசரப்பட்டு எதையும் வாங்க கூடாது. நீங்கள் விசுவாசியாக இருந்தாலும் கையில் பணம் இருந்தாலும் கர்த்தருக்கு காத்திருந்து, உம்முடைய சித்தமா என்று கேட்டு வாங்க வேண்டும். கர்த்தருக்கு சித்தமில்லாத எதையும் அவசரப்பட்டு வாங்க கூடாது. விசுவாசத்தினால் வராத எல்லாம் பாவம் தான். ரோமர் 14:23-ல் விசுவாசத்தினால் வராத யாவும் பாவமே என்று சொல்லப்பட்டுள்ளது. கர்த்தருடைய ஆசீர்வாதம் ஐசுவரியத்தை கொண்டு வரும். அதோடே அவர் வேதனையை கூட்டார். தேவன் வானத்திலிருந்து ரதத்தை அனுப்பி எலியாவை உயிரோடு கூட்டிட்டு போனார். நம்மை கூட்டிட்டு போக பரலோகத்திலிருந்து ரதங்கள் வரப்போகிறது.

மோசே 24 லட்சம் ஜனங்களை நடத்தினார். இஸ்ரவேல் ஜனங்கள் நடந்து போகையில் பகலில் குளிர்ந்த நிழலாக, மேகஸ்தம்பமாகவும். இரவில் அக்கினி ஸ்தம்பமாக. கர்த்தரே நித்திய வெளிச்சமாய் இருந்தார். அப்படி நடத்திப் போய்க் கொண்டிருக்கும் போது எவ்வளவு பிரச்சனை, பிரயாணத்தில் தடைகள், போராட்டங்கள் வந்தது. மோசே ஆண்டவரை நோக்கி முறையிடுகிறான். எண் 11:12-ல் அப்பொழுது மோசே கர்த்தரை நோக்கி, நீர் இந்த ஜனங்கள் எல்லாருடைய பாரத்தையும் என்மேல் சுமத்தினதினால், உமது அடியானுக்கு உபத்திரவம் வரப்பண்ணினதென்ன? உம்முடைய கண்களில் எனக்குக் கிருபை கிடையாதே போனதென்ன? இவர்களுடைய பிதாக்களுக்கு நான் ஆணையிட்டுக் கொடுத்த தேசத்துக்கு நீ இவர்களை முலையுண்கிற பாலகனைத் தகப்பன் சுமந்துகொண்டு போவதுபோல, உன் மார்பிலே அணைத்துக் கொண்டுபோ என்று நீர் என்னோடே சொல்லும்படி இந்த ஜனங்களையெல்லாம் கர்ப்பந்தரித்தேனோ? இவர்களைப் பெற்றது நானோ? என்று மோசே புலம்புகிறான். யோவான் 11:21,22-ல் ஆண்டவரே, நீர் இங்கேயிருந்தீரானால் என் சகோதரன் மரிக்கமாட்டான். இப்பொழுதும் நீர் தேவனிடத்தில் கேட்டுக்கொள்ளுவதெதுவோ அதை தேவன் உமக்குத் தந்தருளுவாரென்று அறிந்திருக்கிறேன் என்றாள். நீங்கள்
தேவனிடத்தில் கேட்கிறதை அவர் கொடுப்பார். உங்களுக்குத் தருவார். ஆண்டவர் உங்கள் சூழ்நிலையை மாற்ற முடியும். உங்களுக்கு விரோதமான காரியங்களை நன்மையாக மாற்ற முடியும். தேவனால் கூடாத காரியம் ஒன்றுமில்லை. ஆண்டவர் மோசையை பெலப்படுத்தி அவனை கொண்டு தான் மகிமையான காரியங்களை செய்தார். அந்த தேவன் இன்றைக்கு உங்களுடைய விசுவாசத்தை வர்த்திக்கச் செய்து, மற்றவர்களுக்கு ஆசீர்வாதமாக உங்களை பயன்படுத்துவாராக.