தானியேல் வல்லமையான ஒரு தீர்க்கதரிசி, வெளிப்பாடு வரங்களை பெற்றவர். தானியேலின் தீர்க்கதரிசன புத்தகத்தில் இருப்பவைகள்தான் வெளிப்படுத்தின சுவிசேஷத்திலும் இருக்கிறது என்று ஆராய்ச்சி செய்கிறார்கள். தானியேலின் ஜெபத்திற்கு பதில் வரவில்லை, ஆண்டவர் தூதனை அனுப்பி அவனுடைய ஜெபத்திற்கு பதிலை அனுப்பினார். அப்பொழுது சணல்வஸ்திரம் தரித்தவரும் ஆற்றின் தண்ணீர்களின்மேல் நிற்கிறவருமாகிய புருஷன் தம்முடைய வலதுகரத்தையும் தம்முடைய இடதுகரத்தையும் வானத்துக்கு நேராக ஏறெடுத்து, ஒரு காலமும், காலங்களும், அரைக்காலமும் செல்லும் என்றும், பரிசுத்த ஜனங்களின் வல்லமையைச் சிதறடித்தல் முடிவுபெறும்போதே இவைகளெல்லாம் நிறைவேறித் தீருமென்றும் என்றென்றைக்கும் ஜீவித்திருக்கிறவர் பேரில் ஆணையிடக் கேட்டேன். தானி 12 7. பரிசுத்த ஜனங்களுடைய வல்லமையை சிதறடிக்கும் வேண்டுமென்று சாத்தான் மகாகோபம் கொண்டுஇறங்கி இருக்கிறான். உங்கள் வீடுகளில் இறங்கி ஜெபத்தை தடை செய்ய வேண்டும்,குடும்பங்களை கெடுக்க வேண்டும் என்று சொல்லி இறங்கி இருக்கிறார். சிம்சோனை பார்த்து தெலிலாள் கேட்கிறாள் உன் மகா பெரிய பலம் எங்கிருந்து வந்தது என்று. நான் அதை கண்டுபிடிக்க வேண்டும் எனக்கு சொல் என்று கேட்டாள். பரிசுத்த வல்லமையை சிதறடிக்க வேண்டும். உங்கள் பலத்தை சிதறடிக்க வேண்டும் என்று சாத்தான் திரிகிறான். பலத்தை இழக்க வைக்க, நம்பிக்கையை இழக்க வைக்க வேண்டும் என்று சொல்லி சாத்தான் போராடுகிறான். பயங்கரமான காரியங்களை செய்து கொண்டிருக்கிறான், இப்படிப்பட்ட ஒரு காலத்தில்தான் நாம் இருக்கிறோம்.

சீஷர்களை சிதறடித்து விட்டான், ஜெபத்தை நிறுத்தி விட்டான். ஒரு மனதை கெடுத்து விட்டான். அதற்குத்தான் ஆண்டவர் உயிர்த்தெழுந்த பின்பு அவர்களை நோக்கி நீங்கள் போய் மேல் வீட்டாறையில் காத்திருங்கள் என்று சொன்னார். பரிசுத்த ஆவியானவர் உங்கள் மேல் வருவார் என்று சொல்லி அந்த நாளில் அவர்களை ஒன்று சேர்த்தார்.சிதறடிக்கப்பட்ட அனைவரையும் ஒன்று சேர்த்தார். காணாமல் போன அந்த 10 கோத்திரத்தார் இந்த உலகத்தில் எங்கு இருக்கிறார்கள் என்று தெரியவில்லை. ஆனால் பரிசுத்த ஆவியானவர் வரும்போதுகாணாமல் போன இந்த 10 கோத்திரத்தாரும் எங்கிருந்தாலும் வருவார்கள் என்று உலகமேபார்க்கும்படிக்கு கர்த்தர் ஒரு பெரிய எழுப்புதலை கொண்டு வரப்போகிறார். இதில் இந்தியாவிலிருந்து ஒரு கோத்திரம் புறப்படும். நாம் ஒரு கோத்திரம் உங்களுக்கு தெரியுமா?நம்மை தேவன் ஒரிஜினலாக மாற்றப் போகிறார். சத்தியத்தை அறிவிக்க சீஷர்களை அனுப்பும் போது கூட தேவன் காணாமல் போன இஸ்ரவேல் வீட்டார் இடத்தில் போங்கள் என்று சொல்லித்தான்அனுப்பினார்.

இன்றைக்கு ஊழியத்தில் பணம் முக்கியமில்லை, ஆத்துமாக்கள் தான் முக்கியம். பவுல் அப்போஸ்தலன் எனக்கு லாபமான அனைத்தையும் நான் நஷ்டமென்று எண்ணுகிறேன் என்று சொல்லுகிறார். மூன்றாம் வானம் வரைக்கும்போனவர். அவர் பிரசங்கம் பண்ணினதை ஒருவன் ஜன்னலில் உட்கார்ந்து கேட்டு கீழே விழுந்து விட்டான்.ஆனால் அவனை மறுபடியும் அவர் உயிரோடு எழுப்பினார். ஒரு போதகர்கூட்டத்தில் பேசின ஒருவர் அன்றைக்கு பவுல் பிரசங்கத்தில் ஒருவன் மாடியில் இருந்து விழுந்து மரித்தவனாய் கிடந்தான் அவனை அவர் உயிரோடு எழுப்பினார். இன்றைக்கு நம்முடைய பிரசங்கத்தில் ஒருவர் அந்த மாதிரி விழுந்தால் என்ன செய்வீர்கள் என்று கேட்டார். அதற்கு ஒரு போதகர் எழுந்து எனக்கு அடக்கம் பண்ண தெரியும், நான் அவனை அடக்கம் பண்ணுவேன் என்று சொன்னார். ஏனென்றால் அவருக்கு அவனை எழுப்பத் தெரியவில்லை. இன்றைக்கு நம்முடைய ஊழியங்கள் இப்படித்தான் இருக்கிறது. ஏனெனில் நம்மிடத்தில் வல்லமை இல்லை, வரங்கள் இல்லை, நான் ஜெபிக்கவில்லை, வல்லமைக்காக நாம் ஏங்கவில்லை. இந்த வல்லமையை சாத்தான்முடக்கி வைத்திருக்கிறான். நம்மை கட்டுப்படுத்தி வைத்திருக்கிறான்.

இந்த மண்ணுக்குள் ஒரு மாணிக்கம் இருக்கிறது. இந்த மகத்துவமான வல்லமை எங்களிடத்தில் இருந்து வரவில்லை, இந்த மண்பாண்டங்களில் தேவனுடைய வல்லமையை, பொக்கிஷத்தை பெற்றிருக்கிறோம் என்று பவுல் சொல்லுகிறார். இன்றைக்கு இந்த மாம்ச திரை கிழிக்கப்படும் போதுதேவ ஆவியானவர் உங்கள் மேல் வல்லமையாக இறங்குவார். உங்கள் குடும்பத்தில் இந்த வல்லமை வெளிப்பட போகிறது. ஆவிகள் அலறி ஓடப் போகிறது, மந்திர வல்லமைகள் அழிக்கப்படுகிறது. அவர் என்னோடு இராதவன் சிதறடிக்கப்படுகிறான் என்று சொல்லுகிறார். இந்த வல்லமையை மட்டுப்படுத்தி உங்களை எழும்ப விடாதபடிக்கு உங்களுக்குள் ஒரு அவநம்பிக்கையை கொடுத்து, ஊருக்கெல்லாம் ஜெபம் பண்ணுகின்ற, ஊரெல்லாம் ஊழியம் செய்கின்ற ஆனா உன் வாழ்க்கையில் இவ்வளவு ஓட்டை இருக்கே அப்படின்னு உங்களை குற்றப்படுத்துவான். இப்படியே நம்மை சிந்திக்க வைத்து சாத்தான் நம்மை சிறைபடுத்த ஆரம்பிக்கிறான். இனி நீங்கள் அவனை சிறைபடுத்த வேண்டும். தேவனுடைய வல்லமையைபெற்று அவனுடைய கிரியைகள், தந்திரங்கள், சூழ்ச்சிகளை முறியடிக்க வேண்டும். அதற்கு நீங்கள் அவரோடு இருக்க வேண்டும் அப்பொழுது தான் அவர் உங்களோடு இருப்பார். ஆண்டவராகிய தேவன் தாமே உங்களை இரட்சித்து, அபிஷேகித்து, அவருடைய வல்லமையான பாத்திரமாக பயன்படவும், அநேகருக்கு ஆசீர்வாதமாகவும் விளங்கச் செய்வாராக.

சில பேருக்கு தொழில் வளர்ந்து பணம், வசதி வந்து விட்டால் தலைகால் புரியாமல் திரிவார்கள். தாங்கள் முன்பு இருந்த நிலையை மறந்து விடுவார்கள். அவர்களுக்குள் ஒரு பெருமை அகந்தை வந்துவிடும். அதேபோலஇந்த எட்டு பேருக்குள்ளேயும் வந்துவிட்டது. நாம் பேழைக்குள் இருந்து வந்தோமே, தேவனாலó பாதுகாக்கப்பட்டோமே, இது அவர் தந்து ஜீவன் என்பதை மறந்துவிட்டு இவர்கள் வேற்றுமையாக திரிய ஆரம்பித்தார்கள். கொரோனா வந்த சமயத்தில் நாம் யாவரும் வீட்டை விட்டு வெளியே போக முடியாமல் வீட்டுக்குள்ளேயே முடங்கி கிடந்தோம். முழு உலகமும் ஸ்தம்பித்து போய் என்ன செய்வதென்று தெரியாமல் திகைத்து நின்றது. இனி வரும் காலங்கள் இதைவிட இன்னும் பயங்கரமாய் இருக்கும் என்று சொல்லப்படுகிறது. அந்த கொரோனா காலத்தில் இருந்து நாம் மீட்கப்பட்டு,நமகóகு ஜீவனைத் தந்து நம்மை தேவன் வாழ வைத்திருக்கிறார் என்பதை நாம் நினைத்து செயல்பட வேண்டும்.ஜெபம் பண்ண நேரமில்லை,வேதம் வாசிக்க நேரம் இல்லை என்று சொல்லக்கூடாது. பெருமை பாராட்டிக் கொண்டு திரியக்கூடாது.