நம்மை வாழவைக்கத்தான் இயேசு மரணத்தை ருசி பார்த்தார். சாத்தான் திருடுகிறவன், கொல்லுகிறவன், அழிக்கிறவன். ஏன் வாழ்கிறாய்? நீ தான் பிடிபட்டு விட்டாயே, குற்றுயிராய் கிடக்கிறாயே இனி நீ வாழ வேண்டுமா? என்று நம்மை பார்த்து கேட்பான். யோவான் 10:10-ல் திருடன் திருடவும் கொல்லவும் அழிக்கவும் வருகிறானேயன்றி வேறொன்றுக்கும் வரான். நானோ அவைகளுக்கு ஜீவன் உண்டாயிருக்கவும், அது பரிபூரணப்படவும் வந்தேன்என்றார். இன்றைக்கு தேவன் உங்கள் சுகவீனத்தை,பெலவீனத்தை, அலைச்சலை, கண்ணீரை, மரணத்தை தேவன் விரும்பவில்லை. ஆண்டவர் மனிதனை நல்லவனாக படைத்தார்,ஏதேனில் நித்திய வாழ்க்கையை வைத்திருந்தார். என் கூடவே இருக்க வேண்டும், இந்த தோட்டத்தில் என்னோடு உலாவ வேண்டும், என் சத்தத்தை கேட்க வேண்டும் என்று தேவன் விரும்பினார். ஒரு நியமத்தை வைத்தார், இந்த தோட்டத்தில் உள்ள எல்லா கனிகளையும் நீங்கள் புசிக்கலாம், ஆனால் ஒரு மரத்தின் கனியை மட்டும் நீ புசிக்கக் கூடாது என்றார். அதை நீங்கள் புசிக்கும் நாளில் சாகவே சாவாய் என்றார். முதலில் உன் ஆத்துமா செத்துப் போய்விடும், இரண்டாவது உன் சரீரம் உருக்குலைந்து போய்விடும். தேவன் முதலில் மனிதனை படைக்கும் போது சாவே இல்லாமல் தான் படைத்திருந்தார். சாவு என்பது சாத்தானுக்காக நியமிக்கப்பட்டிருந்தது, அவனுக்கு ஒரு முடிவு அது.ஆதி 3:4,5-ல் அப்பொழுது சர்ப்பம் ஸ்திரீயை நோக்கி, நீங்கள் சாகவே சாவதில்லை, நீங்கள் இதைப் புசிக்கும் நாளிலே உங்கள் கண்கள் திறக்கப்படும் என்றும், நீங்கள் நன்மை தீமை அறிந்து தேவர்களைப்போல் இருப்பீர்கள் என்றும் தேவன் அறிவார் என்றது.தேவன் அந்த கனியை புசிக்கும் நாளில் நீங்கள் சாவீர்கள் என்றார். சாத்தானோ நீங்கள் அதை பசிக்கும் நாளில் சாகவே சாவதில்லை என்றது.

இன்றைக்கு கிறிஸ்தவத்தில் கூட நிறைய பேர் நீங்கள் சாகவே சாவதில்லை என்று சொல்லி உபதேசிக்கிறார்கள். தவறான உபதேசங்களை போதித்து மக்களை திசை திருப்புகிறார்கள். இப்படிப்பட்டவர்களுக்கு சொத்துக்களையும், உடைமைகளையும் எழுதிக்கொடுக்கிறார்கள். நீங்கள் சாகவே சாவதில்லை என்று சொல்லுவது சாத்தானுடைய உபதேசம். இந்த உபதேசத்திற்கு நாம் செவி சாய்க்க கூடாது. இந்த தவறான உபதேசத்தை நாடி தேடி போகிறார்கள். சாத்தான் பொய்யனும் பொய்க்கு பிதாவுமாயிருக்கிறான்என்று வேதம் நமக்கு தெளிவாக சொல்லுகிறது. ஏவாளை வஞ்சித்து, அந்த இடத்திற்கு கூட்டிட்டு போய், அந்த பலத்தை தொடóடு, பறித்து, சாப்பிட வைத்தான். ஆண்டவருக்கு ஏவாள் மீது கோபம் வந்தது. சாத்தான் அந்த கனியை புசிக்க வைத்து, வாழ்வளிக்கும் அந்த தோட்டத்தை விட்டு அவர்களை வெளியே தள்ள வைத்தான். ஆதி 3:24-ல் அவர் மனுஷனைத் துரத்திவிட்டு, ஜீவவிருட்சத்துக்குப் போம் வழியைக் காவல்செய்ய ஏதேன் தோட்டத்துக்குக் கிழக்கே கேரூபீன்களையும், வீசிக்கொண்டிருக்கிற சுடரொளிப் பட்டயத்தையும் வைத்தார்.

பிள்ளைகள் மாம்சத்தையும் இரத்தத்தையும் உடையவர்களாக இருக்கிறது போல, அவரும் மாம்சத்தையும் இரத்தத்தையும் உடையவராய் இந்த பூமிக்கு இறங்கி வந்து, தன்னுடைய உயிரையே கொடுத்து. நம்மை மீட்டெடுத்தார். என் பிள்ளை, என்னுடையஇரத்தம், என் உறவு என்று அவர்களுக்காக அவருடைய இதயம் துடிக்கிறது.எபிரே 2:14-ல் ஆதலால், பிள்ளைகள் மாம்சத்தையும் இரத்தத்தையும் உடையவர்களாயிருக்க, அவரும் அவர்களைப்போல மாம்சத்தையும் இரத்தத்தையும் உடையவரானார், மரணத்துக்கு அதிகாரியாகிய பிசாசானவனைத் தமது மரணத்தினாலே அழிக்கும்படிக்கு, இந்த பூமியில் மனித அவதாரம் எடுத்து ஒரு கன்னியின் வயிற்றில் இயேசு என்ற பெயரில் வந்து பிறந்தார்.எபிரே2:9-ல் தேவனுடைய கிருபையினால் ஒவ்வொருவருக்காகவும், மரணத்தை ருசிபார்க்கும்படிக்கு தேவதூதரிலும் சற்றுச் சிறியவராக்கப்பட்டிருந்த இயேசு மரணத்தை உத்தரித்ததினிமித்தம் மகிமையினாலும் கனத்தினாலும் முடிசூட்டப்பட்டதைக் காண்கிறோம். இயேசு மரணத்துக்கு நியமிக்கப்பட்டார், மரணத்திற்கு பாத்திரவானாக, மரணத்தை ருசி பார்த்தார். அதுவரைக்கும் மனிதர்கள் பாவத்தின் சம்பளம் மரணம் என்பதை இந்த பூமியில் அனுபவித்துக் கொண்டிருந்தார்கள். இந்த உலகத்தில் தேவனைத் தேடுகிறவர்களுக்கு நித்தியஜீவன் உண்டு, பாவத்தை தேடுகிறவர்களுக்கு சம்பளம் உண்டு, அந்த சம்பளம்மரணம். ரோமர் 6:23-ல் பாவத்தின் சம்பளம் மரணம்; தேவனுடைய கிருபைவரமோ நம்முடைய கர்த்தராகிய இயேசுகிறிஸ்துவினால் உண்டான நித்தியஜீவன்.

இயேசு சொல்கிறார் நான்வாழ்வதால் உன்னையும் வாழ வைப்பேன், என்னை தேடினால் உன்னை நாôன் வாழ வைப்பேன் என்கிறார். இந்த வார்த்தைகளó தேவன் எனக்காக எழுதினது. 16 வயதில் நான் வாழ தகுதியற்றவனாய், வறுமையின் பிடியில் சிக்கி தவித்த போது, விவசாயத்திலும் முன்னேற்றமம் இல்லை நஷ்டம், நல்ல வேலை இல்லை, சாப்பிடுவதற்கு சாப்பாடு இல்லை, மிகவும் கஷ்டமான சூழ்நிலையில் இருந்தேன். ஒரு நண்பர் மூலம் இயேசுவை நான் தேட ஆரம்பித்தேன். இயேசு வாழ்கிறார் என்பதை அப்பொழுதுதான் அறிந்து கொண்டேன். யோவான் 14:19 கத்தோலிக்க மொழிபெயர்ப்பில் இப்படியாக சொல்லப்பட்டுள்ளதுநான் வாழ்கிறேன் உன்னை வாழ வைப்பேன் என்று எழுதப்பட்டுள்ளது. 1982-ல்என்னை தேடி வந்து, என் கண்ணீரை துடைத்து நான் வாழ்கிறேன் என்று சொல்லிஎனக்கு ஒரு நல்ல வேலையை கொடுத்துஎனக்கு ஒரு குடும்பத்தை கொடுத்து, ஒரு ஊழியத்தை கொடுத்தார், என்னை வாழ வைத்த தெய்வம் உங்களையும் வாழ வைப்பார்.

சாது சுந்தர் சிங் இந்தியாவினன் அப்போஸ்தலர். தன் வாலிப வயதில் உண்மையான தெய்வம் யார் என்று தேடினார். உண்மையான தெய்வம் யாரென்று தேடித்தேடி திரிந்த அவர் ஒரு தீர்மானம் பண்ணினார் இன்று இரவிலிருந்து காலை நாலு மணி வரைக்கும் நான் பார்ப்பேன் உண்மையான தெய்வம் ஒன்று இருந்தால் அது என் முன்பு வந்து தோன்றட்டும் இல்லை என்றால், காலை நாலு மணி ட்ரெயினில் நான் என் உயிரை மாய்த்துக் கொள்வேன் என்று. கதவு, ஜன்னல் எல்லாவற்றையும் மூடிவிட்டு அவர் வணங்கின தெய்வங்களை கூப்பிட்டும் ஒன்றும் பதில் சொல்லவில்லை. அவர் பூட்டி இருந்த அறையின் ஜன்னலில் இருந்து ஒரு பிரகாசமான வெளிச்சம் தோன்றினது. அவர் நினைத்தார் அவருடைய தெய்வங்கள் வருவார்கள் என்று. ஆனால் ஒரு சிலுவை தோன்றியதுஅதிலிருந்து ஒரு கனிவான குரல் ஒலித்ததுசுந்தர் சிங் நான் இயேசு என்று ஒலித்தது. அன்றிலிருந்து இயேசுவை தன் சொந்த இரட்சகராக ஏற்றுக் கொண்டு அவருக்காக வாழ ஆரம்பித்தார். அதற்கப்புறம் அவரை திருமணம் செய்து கொள்ள பெற்றோர்கள் சொன்னபோது எனக்கு இருந்தது ஒரு இருதயம் அதை நான் இயேசுவுக்கு கொடுத்துவிட்டேன். இந்தப் பெண்ணிற்கு கொடுப்பதற்கு என்னிடம் எதுவும் இல்லை என்றாராம். அவர் இயேசுவுக்கு தன்னை அர்ப்பணித்து இயேசுவுக்காக தனிமையில் வாழ்ந்தார். இந்திய தேசத்தில் தோமாவிற்கு அடுத்து அவர்தான் அதிகமாக இந்த தேசம் முழுவதும் ஊழியம் செய்தவர். அந்த சுந்தர் சிங்கை சாதுவாக மாற்றி இந்த இந்தியாவில் வாழ வைத்த தெய்வம் உன்னை விட்டு விடுவாரா? உன்னை ஏமாற்றினவர்களுக்கு முன்பாக உன்னை கைவிட்டு விடுவாரா? நீடித்த நாட்களால் உன்னை திருப்தியாக்கப் போகிறார்.

யோசேப்பை குழியில் தள்ளினார்கள், சாகிறவனுடைய சாவை நான் விரும்பவில்லை என்று சொன்ன தேவன் அவனை அந்த குழியில் இருந்து தூக்கி எடுத்தார். பொய் குற்றம் சாட்டப்பட்டு அவனை சிறையில் அடைத்தார்கள். சிறைச்சாலையிலேயே தன் ஜீவன் போய்விடும் என்று யோசேப்பு நினைத்தான். சங்கீதம் 91:15,16-ன்படிஅவன் என்னை நோக்கிக் கூப்பிடுவான், நான் அவனுக்கு மறுஉத்தரவு அருளிச்செய்வேன், ஆபத்தில் நானே அவனோடிருந்து, அவனைத் தப்புவித்து, அவனைக் கனப்படுத்துவேன். என்ற வார்த்தையின்படி தேவன் நீடித்த நாட்களால் அவனைத் திருப்தியாக்கி, இரட்சிப்பை அவனுக்குக் காண்பித்து, தப்புவித்து, அவனை அந்த தேசத்தில் கனப்படுத்தினார். இன்றைக்கு இந்த வார்த்தையை வாசிக்கின்ற உங்களைப் பார்த்து ஆண்டவர் சொல்லுகிறார் சாக வேண்டும், போராட பெலனில்லை என்று நினைக்கிற உன்னை நீடித்த நாட்களால்திருப்தியாக்கி, ஆபத்திலே அவனோடு நான் இருந்து அவனை தப்புவித்து அவளை கணப்படுத்துவேனó என்று. என் ஜீவன் மருத்துவர்கள் கையில் இல்லை, வியாதியின் கையில் இல்லை என் ஜீவன் கர்த்தருடைய கையில் இருக்கிறது. நீடித்த நாட்களால் என்னை திருப்தியாக்குகின்ற தேவன் அவர் என்றும் வாழ்கிறார்.

உபா 32:40-ல் நான் என் கரத்தை வானத்திற்கு நேராக உயர்த்தி, நான் என்றென்றைக்கும் ஜீவித்திருக்கிறவர் என்கிறேன்.நாம் ஆராதிக்கிற தேவன் என்றென்றைக்கும் ஜீவித்திருக்கிறவர் என்று சொல்லப்பட்டுள்ளது.நம்முடைய பரம தகப்பன் தமது சொந்த இரத்தத்தை சிந்தி, விலை கொடுத்து நம்மை மீட்டெடுத்து, அவருடைய பிள்ளையாக நம்மை மாற்றி இருக்கிறவர். சொல்லுகிறார் நான் என்றென்றைக்கும் ஜீவித்திருக்கிறவர் என்று. நம் எல்லாருக்கும் ஒரே தகப்பன் அவரே. வானத்தையும் பூமியையும் படைத்தவர். நம்முடைய சரீர பிரகாரமான தகப்பனை காட்டிலும், நம்முடைய பரம தகப்பன் பெரியவர். அவர் என்றென்றைக்கும் ஜீவித்திருக்கிறவராய் இருக்கிறார். அவர் வாழ்கிறதினால் நம்மையும் வாழவைக்கிறார்.